Tuesday, November 02, 2010

അഹം

എന്‍റെ പേനയിലെ മഷി വീണ്ടും
പുസ്തകത്താളിനെ സ്നേഹിച്ചു തുടങ്ങി
എന്‍റെ അക്ഷരങ്ങളിലൂടെ എന്നെ
ഞാനിനിയും വരച്ചെടുക്കാന്‍ ശ്രമിക്കട്ടെ


ഇതുവരെ സംഭവിച്ചതെന്‍റെ മരണമായിരുന്നില്ല
ഞാന്‍ എന്നിലേക്കടങ്ങിയതായിരുന്നിരിക്കണം
എന്തിനെന്നെനിക്കറിയില്ല, എപ്പോഴെന്നും
ഇതും കാലത്തിന്‍റെ ആവശ്യകതയായിരുന്നിരിക്കാം


ഞാനുമാഗ്രഹിക്കുന്നു ഒരു തിരിച്ചു വരവ്
ഒരു പക്ഷേ ഇതെന്‍റെ തിരിച്ചു വരവായിരുന്നെങ്കില്‍
വെറുതെയാകില്ലിതെങ്കില്‍, എനിക്കെന്നെയെങ്കിലും
നഷ്ടപ്പെടാതിരിക്കുമായിരുന്നു

No comments: